岩岩发咗个好可怕既梦

头先我训着咗，发咗个好唔老黎既梦

我居然梦见我阿妈身患末期癌症，病危，係医院既病房度

场景就係，我陪住距，一直睇住距，距好似好痛苦咁，我想帮距，我深知道呢只病会发生咩嘢，应该点去治疗，但我同医生都无能为力，因为已到末期了

我所有既提议都比我阿妈一口拒绝，距居然叫我唔好做无谓既努力，但我见到距真係好辛苦，距呼吸困难（我梦见既情况唔记得咗係鼻咽癌定肺癌），医生就沉默咁企係旁边，我望住D心监仪器，感觉就係好彷徨，好无助，好恐惧

然后离开病房医生拉咗我行埋一边倾，距讲话现阶段既病情，距地只能尽人事，现代医学无能为力了，叫我做好最坏打算，然后落咗一张病危通知书比我，并且距用英文讲出病危通知书既名称

跟住我大呼我唔可以放弃，只要有任何可能性就算要我点做我都要救翻我阿妈，就算要用我条命离换我阿妈条命都冇所谓，我绝对唔可以放弃距，我已经冇咗老豆10年，我唔可以再冇埋我阿妈，我唔要再眼白白睇住我阿妈就咁走咗去，我唔可以再接受呢种无能为力既感觉，但医生话已经冇办法了，于是我就咁係医院大吵大闹，直到最后我梦见我太过激动咁一掌打落医院个墙度，跟住我就醒咗了

醒咗之后，我发现原来自己早就已经泪流满面了，然后我突然觉得好惊，呢种恐怖既感觉我自从11年前有过一次之后就未曾再有过（11年前我同样梦见我老豆病死，结果我老豆半年之后果然因末期癌症而死，当时由于我年纪太细加上冇医学知识既缘故冇将呢个梦当一回事，以至于冇留意到当时我老豆其实已经发病），我第一反应就係，同样既错误我绝对唔可以再犯！有前车之鉴一次，我就必须要即刻打电话去提醒我阿妈叫距最近注意身体

我就打电话比我阿妈，听到距把声既嗰一瞬间我第一反应就係大喊咗出离，我阿妈都比我吓趁，距问我咩事，我就话我梦见距，同我11年前梦见我老豆既情况一样（我阿妈后来知道我11年前发咗个梦见老豆病死既梦，距同我讲话发咗呢种梦点解当时唔同距讲，同埋梦见呢D嘢，梦中既细节唔应该比当事人知道，否则好易应验），我阿妈当时都吓咗一下，跟住同我讲话唔好讲细节比距听，然后我叫距最近注意身体，最好就去医院做个详细检查，然后距既反应就好似当年我老豆既反应一样，同我讲话距冇事，叫我唔好激距，乖乖地就得了，跟住距安抚咗喊到收唔到声既我一阵间，就收线了

唔知点解，现实生活中我同我阿妈既关系并唔好，但每次一捻到如果我阿妈有咩事上离，或者距身体有咩唔舒服，甚至係前两年我心脏出现问题入医院医生对我落病危通知书既时候我感觉到我随时可能会死嗰阵，我都会好紧张我阿妈，第一时间就会担心我阿妈，首先就会捻到我阿妈唔知点算

而最恐怖既一点就係，我以前明明未学过、未见过甚至未听过病危通知书既英文串法同读音，但我梦中梦见嗰个医生讲出离既病危通知书既简称同读音，居然同现实中真正病危通知书既英文串法同读音一致（我头先要自己冷静然后特意上网查我梦中梦见到既一切细节，特别係病危通知书呢个我未接触过既英文串法，我查到既答案同梦中医生讲出离既嗰个读音串法一致）！

按照古代解梦既逻辑，我发到呢个梦往往係预示住我同阿妈之间既关系好转，或者係我阿妈会长寿，但我好惊历史会再度重演，如果又好似11年前嗰个预兆未来般既梦咁，呢个梦亦係预兆未来既梦，咁点算？

妈啊，你千其唔好有事啊！我都绝对唔会比你有事！我11年前救唔到老豆，11年后既今日，我已经有一定既医学基础知识了，我一定要保住你！